උදාවෙයි දිනෙක



















දිනක් ගනනේම
මහමඟට වී ගෙවන
ජීවිතය අවසානෙ
කුසට අහරක් නැතිව
හිසට සෙවණක් නැතිව
ඇඟට වස්ත්‍රය නැතිව
දැළි කුණු පෙරාගෙන
හිඟමනේ යෙදුනාට
මාළිගා සදන්නට
රජසැපක් විඳින්නට
තිබූ දහසක් පැතුම්
මල් පිපී ඵල දරණ 
දිනක් කවදාකදී
උදාවෙයි සිතුවාද?

මාර වැඩේ මෙන්න වැව් උතුරලා........!

 විශ්ව විද්‍යාලය කියන්නේ අත්දැකීම් ගොඩක් ලබාදෙන තැනක්. ඒක අපි අහල තිබුනා. දැන් මම ඒක ඇත්තටම විඳිනවා. දැනට මම විශ්ව විද්‍යාලයට ඇවිත් යන්තම් මාස දෙකහමාරයි. මේ අම්පාර දිස්ත්‍රික්කයේ සම්මන්තුරේ කියන ප්‍රදේශයේ තියෙන ශ්‍රී ලංකා අග්නිදිග විශ්ව විද්‍යාලයය. මේ දවස්වල මෙහෙට හොඳටම වහිනවා. තියෙන වැව් ඕක්කෝම වගේ උතුරල යනවා. අපි දැන් ඉන්නේ දුපතක් වාගේ තැනක. එක පැත්තකින් කල්මුණේ හා කාර්තිව් යටවෙලා. අනිත් පැත්තෙන් වලතපිටිය කියන ප්‍රදේශයෙන් වැව් වතුර, මාර්ගය හරහා යන නිසා ගමනාගමනය ඇණහිටල. යන්න කියල කිසිම තැනක් නැහැ. ඒ වාගේම මේ දවස්වල අම්පාර වැව් බැම්ම අඩපණ වෙලා. කොයි මොහොතේ හෝ වැව් බැම්ම පුපුරයි කියල තමා කියන්නේ. ඒ වාගේම තමා ඉඟිනියාගල ජලාශය. හෙවත් සේනානායක සමුද්‍රය. මේක තමා අම්පාර දිස්ත්‍රික්කයට වාගේම ලංකාවෙම තියෙන විශාලම වැව. ඒක පෝෂණය කරන්නේ ගල්ඔය ගඟ. ඒක 1994 න් පස්සේ වාන්දාල නැහැ කියල තමා කියන්නේ. නමුත් දැන් ඒ වැව උතුරා යන්න අරන්. වාන්දොරටු 5ක් විවෘත කරලා. අනිත් දොරටුවත් විවෘත කරයි කියල තමා කියන්නේ. ඒ වැව උතුරා යනවා නම් අනිවාර්යයෙන්ම ඒක මගින් පෝෂණය වන කොන්ඩුවටුවාන වැව උතුරායනවා. ඒ වැව උතුරා යන්නේ ඉඟිනියාගල අම්පාර ප්‍රධාන මාර්ගය හරහා. මේ නිසා අනිවාර්ය ලෙසම මාර්ගයේ ගමනාගමනය සම්පූර්ණයෙන්ම නවතිනවා. වාන්දොරටු හැර තිබුණත් නවගිරියාව වැව උතුරා යනවා.
වාන් දොරටු තුලට ජලය ඇදෙන අයුරු
වාන් දොර

නවගිරියාව වැව උතුරා යාම

නවගිරියාව වැව උතුරන අයුරු

නවගිරියාව වැව උතුරන අයුරු

නවගිරියාව වැව උතුරන අයුරු

නවගිරියාව වැව වාන් දොරටු අසල

නවගිරියාව වැව වාන් දොරටු අසල

නවගිරියාව වැව වාන් දොරටු

නවගිරියාව වැව වාන් දොරටු අසල

නවගිරියාව වැව වාන් දොරටු අසල

නවගිරියාව වැව

නවගිරියාව වැව


මෙසේ වැව් උතුරා යන එක පිරිසකට විනෝදයට කාරණාවක්. ඒකට හේතුව ඒ වතුරේ නාන්න. ඒ වාගේම ඒකේ ඇති ලස්සන විඳගන්න. මේවාගේම කොල්ලො කුරුට්ටන්ට මාළු අල්ලන්න. ඒ වාගේම වඩා විශාල ප්‍රමාණයකට දුක් වීමට කාරණාවක්. ඒ අයගේ වතුපිටි, ගේ දොර හා වගාබිම් සියල්ල යට වෙනවා. තමන් සතු සියලු දේ වගා බිම් වලට යටකල අයට මොන වෙනවද කියල ඒ විඳින අයම තමා දන්නේ. මේ සියළු වැව් උතුරායාම සඳහා ප්‍රධානම හේතුව වන්නේ මේ දිනවල එක දිගටම ඇදහැලෙන වර්ෂාව. මට නම් මේ දේවල් හොඳ අත්දැකීමක්. ඒත් මේ දේ හැම වැස්සකදීම අත්විඳින උදවියත් ඇති. මේ සියල්ල වෙත්දී තවමත් වර්ෂාවේ නම් අඩුවක් දකින්න නම් නැහැ. 

මම ගියා සේනානායක සමුද්‍රය උතුරා යාම බලන්න. ලස්සන දර්ශනයක්. ඔයාලත් විඳින්න. ඒ වාගේම තමා ඒ වැවේ බැම්ම මාර ලස්සනක් තියෙන්නේ. පින්තූර අපැහැදිලි වුනොත් කමා වෙන්න. මොකද මේ පින්තූර ගත්තේ මගේ දුප්පත් sonny ericsson K530i ජංගම දුරකථනයෙන්.

යටවූ ඉඩම්

වාන් දමන ස්ථානය

වාන් දමන ස්ථානය

වාන් දමන ස්ථානය

වාන් දොර පිහිටි ස්ථානය

වාන් දොර පිහිටි ස්ථානය

වැව් බැම්ම මාර්ගයට පෙනෙන අයුරු

වැව් බැම්මට ඇතුලු වන ස්ථානය

සේනානායක සමුද්‍රය


විදුලි බලාගාරය සඳහා වාන් දොර

විදුලි බලාගාරය

වැව් බැම්ම මත

විදුලි බලාගාරය සඳහා වාන්දොර


කඳුලට නිමාවක්......

දුක දැනුනු විටෙක
නෙතට උනන
කඳුලු..........
වැටෙන්නට පෙර බිමට.......
හිතන්න
දිනෙක දැනේවි
වඩා වැඩි දුකක්......
එදිනට හඬන්නට
ඉතිරි කරගනිමු
කඳුලු.......
එදිනටත් හිතුනොතින්
මතු දිනෙක හඬමි මම
ජීවිතේ හැමදාම
කඳුලු නැත නෙතු අගට......